غزل

حسرت  بنی جو خواہشیں  ، ان خواہشوں سے کہہ دو       

ہم  ٹوٹ کربکھرے نہیں    ،  آزمائشوں   سے کہہ دو

پنہاں    ہمارے    سینے  میں    ،    اک    صبر  کا    سمندر

تم    ہی    ڈوب    جاو   گے     ،     پیمائشوں سے کہہ دو

گرنے  نہ دیں گے روح کو ،   خباثتوں کے جوہڑ میں

ابھرو  نہیں   ، حد  میں رہو    ،     آلائشوں  سے کہہ دو

 مکان  گرچہ    خستہ  اپنے    ،  حوصلے ہیں مثل چٹاں

جم کے  برسو ، خوب برسو ،     بارشوں سے کہہ دو

خاک   نشیں ، خاک   بسر ،   ہم خاک کے پیوند اختر

تم قیصروں کے  ہم  نشیں ،     آرائشوں سے کہہ دو